Méi wéi nëmmen ee Schauspiller

A Filmen ewéi “The Lost Boys”, “Young Guns”, “A Time to Kill” souwéi an der Fernsehserie “24” huet de Kiefer Sutherland säi schauspillerescht Kënne schonns bewisen. Manner bekannt ass awer, datt de Schauspiller mat senger Band och mat Musek iwwerzeege kann. Zanter ongeféier 1992 spillt d’Musek eng nët onwesentlech Roll am Liewe vum am Joer 1966 zu London gebuerene Kanadier.

Gëschter Owend konnte sech bal 1.000 Leit ee Bild vu sengem musikalesche Kënnen maachen. Am Kader vu senger “Reckless & Me Tour 2019” huet hien ee Stopp zu Beefort ageluecht. Ewéi e Sonndegowend beim Optrëtt vun der “Manfred Mann’s Earth Band” ass de 15jährege Frano opgetrueden. Dës Kéier hat hien ee méi peppege Virprogramm an d’Leit waren iwwerrascht a begeeschtert vum Optrëtt.