Beeforter hat einen Beitrag geteilt.
2 days ago
Den 30 September ass nees Kiermes am Duerf 🎠🎡
wei ëmmer organiséieren mir vun 13 Auer bis 18 Auer een Kannerfloumaart wou dir aer Spillsaachen/ Kleeder kennt verkafen déi dir net méi braucht📚👚👕👖🎮🎳
Zeckt net an reservéiert iech een Dësch 😃 ... See MoreSee Less
Photo
D'Virbereedunge fir déi nei Saison op der Äispist hunn zanter virgëschter ugefaangen. De Rendezvous ass e Samschdeg, de 27. Oktober 2018. ... See MoreSee Less
Photo
Beeforter hat einen Beitrag geteilt.
1 week ago
Vue op d'Vugelsmillen mam Grondhaff am Hannergrond.
Liked, deelt a kommentéiert, wann des Postkaart iech gefält.
Postkaart vun 1926
Fotograf: C. Schoren, photographeie d'art, Luxembourg-gare.
D'Vugelsmillen gouf fréier Grondmillen oder Bäerdrefer Mille genannt.
Am Joer 1528 gëtt en "Derich in Ertz" an engem Dokument vum Klouschter St. Irminen vun Oeren ernimmt, dem d'Mille gehéiert huet. Domatt misst eigentlech de Mëller un der Iernz, also eise Mëller gemengt sinn. An deem Dokument geet ervir, dass d'Millesteng, déi an der Hohllay geschnidde ginn, beim Klouschter bestallt musse ginn.
Bei der Millen huet et sech ëm eng Bannmille gehandelt, d.h. d'Leit an der Ëmgéigend hu missen hiert Kar op der Vugelsmille muele loossen.
Am Joer 1681 gëtt d'Millen an enger Lëscht vun de Gidder vun der Bäerdrefer Herrschaft ernimmt.
1757 huet d'Koppel Johann Molitor & Katharina Peiffer d'Millen vu St. Irmin gepacht, déi se un hier Eltren resp. Schwéierelteren Johann Peiffer & Anna Maria Schroeder oftrieden. 1766 gëtt en Henri Peiffers als Mëller genannt, wahrscheinlech de Jong vum Johann Peiffer. Duerno geet d'Millen an de Besetz vun enger Famill Molitor-Peifer iwwer, iert se an der Franséischer Revolutioun versteet gëtt. Am Akt fanne mir och Detailer iwwer d'Ausgesinn vun der Millen, z.B. dass se mat Stréi gedeckt war an 2 Muelgäng hat.
Ersteet gouf d'Millen vum Mathias Vogel vu Veianen, wouduerch d'Millen dunn Vogelsmühle/Vugelsmillen genannt gouf. Och 1800 gouf d'Millen nees versteet, e gewëssenen Laeis hat d'Stee gewonnen.
Am 19. Jh. gëtt d'Millen an der Famill Wagner verieft (Wagner-Eipers, Wagner-Kohner, Wagner-Hurt...). D'Wagner-Jongen goufen ëmmer mat Meedecher vun anere Millen bestuet, e Schema wat een oft an de Mëllerfamilljen gesäit.
Um Enn vum 19. Joerhonnert gëtt d'Millen mat der neister Technik ausgestatt. U sech huet un der rietser Hauswand déi mir op der Postkaart gesinn soss nach e Millerad bausse gedréint, dëst ass awer am Ufank vum 20. Jh. ofgeschaaft ginn. Op der Millen gouf et och e Seewierk an eng Brennerei.
Wéi an där Zäit den Tourismus am Mëllerdall ëmmer méi zum Droe koum, huet och eng Wiertschaft op der pittoresker Mille funktionéiert, an d'Besëtzer, nach ëmmer d'Famill Wagner, huet d'Gäscht bekäschtegt.
Leschte Mëller war de Nicolas Wagner, deen d'Millen un de Grof vum Grondhaffer Schlass, de Grof de Villers, verkaaft huet. Den Nic. Wagner ass dunn op Näerdener Mille gaangen.
1960 ass d'Millen ofgerappt ginn, haut gesäit ee just nach e puer Iwwerreschter vun de Fëllementer am Bueden.
Nach e puer Wieder zum Schlass:
Um Grondhaff wunnen haut just 30 Leit, an der Zäit war d'Uertschaft awer e bësse méi grouss an si kann op eng interessant Geschicht zeréckkucken.
Interessant ass scho mol, dass de Grondhaff zu 3 Gemenge gehéiert - eemol zu Bäerdref bis bei d'Schwaarz Iernz an eemol zu Beefort, déi aner Säit vun der Baach. D'Schlass selwer läit um Terrain vun der Gemeng Waldbëlleg.
Galloréimesch Iwwerreschter am Buedem (Véiergëttersteen zu Bäerdref) sinn Zeien dovun, dass de Grondhaff scho laang besidelt ass. Am Mëttelalter gouf et hei och eng Kierch, d'Méchelskierch, e bësse méi uewen vun den Haiser op engem klenge Plateau. Si ass am 19. Joerhonnert ganz verschwonnen.
1655 gouf den Haff als Besëtz vun engem gewëssene "Jehan" fir d'éischt ernimmt a war kuerz duerno net méi bewunnt. Wéi vill Dierfer an der Ëmgéigend huet de Grondhaff zur Herrschaft Beefort an Heringen gehéiert.
1774 sinn déi 2 Herrschaften vum Pierre Coumont, en Duchhändler a Colonel vun de Grenadiers Wallons, vun Hodimont bei Verviers kaaft ginn an esou ass och de Grondhaff a säi Besëtz iwwergaangen. Hien huet d'Joer drop eng kleng Schmelz mat 2 Héichiewen an enger Schmëdd baue gelooss.
De Pierre Coumont, dee virun allem Kanounen an der Schmelz gegoss huet, déi an England verkaaft gi sinn, koum a finanziell Schwieregkeeten an huet säi Besëtz un d'Famill de Tornaco verkaaft, wou d'Schmelz weiderverierft ginn ass.
1848 ass d'Schmelz zougemaach ginn, d'Gebaier sinn un d'Famill de Villers gaangen a sinn och haut nach an adeleger Hand a gehéieren dem Baron Ludolf de Schorlemer.
D'Schlass, wat mir op der Postkaart gesinn gouf 1905 am Optrag vum Grof Lamoral de Villers-Boch nei gebaut. Seng Famill huet am Schlass zu Buer gewunnt. De Lamoral de Villers war Industriellen an als Deputéierten fir d'Rietspartei och an der Politik aktiv. Ausserdeem war hie mat der Luise von Boch bestuet, der Duechter vum Eugen (von) Boch an der Octavie Villeroy, an Niess vun der Anna Boch.
1921 ass um Grondhaff eng Zillefabrik opgaangen, d'Firma Silico. Hei goufen pro Dag bis zu 12000 Zillen gemaach. D'Firma huet ënner anerem den Industriellen Trierweiler an Karp-Kneip gehéiert.
De Grondhaff louch un der Streck Ettelbréck-Iechternach-Waasserbëlleg (Sauerlinn), déi vun der Compagnie des chemins de fer Prince-Henri an duerno vun der Société anonyme luxembourgeoise des chemins de fer et minières Prince-Henri bedriwwe gouf an hat eng eege Gare déi mir op der Postkaart och am Zentrum gesinn. Als Zougang zur Lëtzebuerger Schwäiz war de Grondhaff och interessant fir de lokalen Tourismus, sou dass et och e puer Hotellen op der Plaz gouf.
1964 ass dës Linn zougemaach ginn.
De Grondhaff hat niewent der normaler Gare och nach eng Privatgare, déi vun 1873-1964 funktionéiert huet. D'Gebai ass ofgedroen ginn a steet haut zu Bollenduerfer-Bréck als Monument national duerch seng aussergewéinlech Architektur.
Vun 1904-1948 gouf et um Grondhaff och eng Schmuelspurbunn fir Gidderverkéier bis an d'Carrièren zu Déiljen an Ëmgéigend, déi 1911 fir de Persounentransport bis op Beefort ausgebaut ginn ass. Wéinst der Spuerbreet vun der Linn déi keng eege Gidderween hat, sinn déi vun der Normalspuer op Rullbéck op d'Schinne gesat ginn. Wéinst dem Niveausënnerscheed hat d'Streck eng zimlech originell Stréckeféierung an et ass am Zickzack, mat hannerzeg a vijenzeg fueren biergop oder biergof gaangen. ... See MoreSee Less
Photo
