Tour de Tango

Zu engem “Tour de Tango” hu gëschter Owend de Gustavo Beytelmann a Stella Grigorian agelueden. Den Duo besteet aus der fulminante Mezzosopranistin Stella Grigorian an der prägender Perséinlechkeet vum Tango Nuovo, souwuel als Pianist als och Komponist, dem Gustavo Beytelmann. Leider huet dat schlecht Wieder am Laf vum Dag ee Stréch duerch d’Rechnung gemeet an doduercher si wéineg Leit op Beefort komm. De Programm hat Tangos aus aller Welt, vu Carlos Gardel iwwer franséisch, russesch, italienesch an däitsch Komponiste bis Astor Piazzolla a gouf vum Stella Grigorian a sechs Sproochen authentesch interpretéiert.